صينية عشاء سهلة ولذيذة وخفيفة

صينية عشاء سهلة ولذيذة وخفيفة

مرحب يالغاليات’’’’’’’’’’
اليوم جيت لكم بصينيه سهله بدون قلي
بدون دجاج او لحم

يعني تنفع اذا كنتي محتاره وش تسوين عشاك
او مستعجله لانها سريعه ولذيذه

طولت عليكم بكثرة الكلام يالله اخلصي علينا

اول شي قطعي الخضار قطع مكعبات صغيره جزر * كوسه * بطاطس

اسلقيها بماء وشوي زيت وملح نسيت اول شي حطي الجزر شوي يطبخ ثم اضيفي الباقي بعدها صفيه من الماء ورشي عليه كمون





اثناء السلق الخضار قطعي بصله مفرومه وفص ثوم واحمسيها بعدها طفي النار
وابشري علبة جبن كرفت وضعيه عليها واي شي اخضر عندك مثل فلفل بارد او
بقدونس وغيره يعطي نكهه ورشه ملح وبهارتك المفضله وفلفل اسود مطحون حركيها





ضعي الخضار في الصينيه وضعي عليها الخلطه وحركيها مع بعض

ثم ضعي معجون طماطم على سطحها يعني ادهنيها بس من فوق علشان يطلع شكلها حلو في التشقير
وتشقر من فوق فقط





وتأكل بالخبز او تحشى بالساندويتش
انا سويتها في البايركس الصغيره
ترى شكلها عادي بس طعمها حلو

وصحة وهنا على قلوبكم