ربطات حجاب منقول

أغلب
البنات اليوم أصبحن محجبات ومعه زاد الاهتمام بشكل واناقة الحجاب وطرق لف
الطرحة واختيار ألوانها وتناسقها مع الملابس حتي بدأنا نري اشكالا جديدة
ومبتكرة في ربطات الحجاب بما يتلاءم مع أوقاتك ومناسباتك المختلفة فما هو
الجديد في ربطات الحجاب وكيف يمكن اختيار الخاصة واللون المناسب لك؟
أولا.. عند اختيار خاصة القماش يفضل تجنب بعض انواعها حتي لو اعجبك لونها
أو تطريزها ونقشتها من هذه الأقمشة المزعجة في الحجاب الأوراجنزا المايشة
كذلك ابتعدي عن الاقمشة الخشنة لأنها صعبة في الربط وركزي دائما علي
النوعية الناعمة من الاقطان الحرير وكذلك الشيفونات بأنواعها كلها تعتبر
خامات جميلة ومناسبة وعملية لأنه من الممكن أن يكون الايشارب ثمنه مرتفع
لكنه غير عملي في الاستخدام وبعد ذلك ستفاجئين بالامتناع عن لبسه بعد ان
تكوني دفعت فيه مبلغ مالية كبيرة.

وبالنسبة
لفتاة الجامعة هناك نصيحة خاصة حتي يكون حجابها مريح وفي نفس الوقت يعطي
لها شكلا جذابا لابد من اختيار الاقطان والشيفونات المطفية بدون لمعة لأن
هذه النوعية من الاقمشة تتحمل الحركة طوال النهار كما ان الاقطان فيها
الوان كثيرة واشكالها جميلة والقطن علي حرير يتميز بتطريز خفيف ولا يعطي
البهرجة التي لا تتناسب مع فتاة الجامعة.

وفي
السوق اليوم يوجد انواع جميلة من الاقطان المخططة والمنقوشة بها مساحة
تنوع والوان يمكن ان تدخل مع بعضها وتعطي شكلا جديدا كل مرة كما ان التطريز
البسيط يعطي جمالا ورقة.
وهناك مجموعة من الأفكار للحجاب يمكن ان تناسب فترة بعد الظهر أو الليل
فبإمكانك مثلا الاحتفاظ بشكل ربطتك التي ترتاحي معها والمناسبة لطبيعة وجهك
وتستخدمي معها اكسسوارا جديدا ومختلفا مثل حلق كبير في سلسلة بهات دلاية
بها حجر فيروزي وخاتم فضي بفص ملون في كثير من الاحيان يمكن اضافة لمسات
بسيطة لملابس النهار لتتلاءم مع مناسباتنا الليلة.

*
أما إذا كانت الفتاة ترتدي لأول مرة الحجاب فعليها ان تختار ربطة سهلة ولا
تستخدم انواعا ناعمة جدا من الاقمشة من الممكن ان تنزلق من علي شعرها
بسهولة والمناسب في هذه الحالة هو الاقطان لأنها تثبت علي الرأس وعند تجميع
شعرك من الافضل ارتداء بونيه قطن مع مراعاة عدم اظهاره وستكون مهمته
الاساسية المساعدة في تثبيت الايشارب والشعر وبعدها يمكنك اختيار ربطة سهلة
مثل الاسبانيش التي مازالت موضة.

وبالنسبة
للألوان فإذا كان البونيه لونه بني محروق تكون الطرحة تركواز مع اظهار جزء
من البونيه ووضع الطرحة الثانية بمحاذاة خط البونيه وربطهما جيدا.
من الممكن ان نستخدم طرحة أخري شيفون مثلا ويكون لونها بني محروق ونضعها
فوق التركواز ويتم ربط اطراف الطرحتين.. طرف الأولي مع الثانية والعكس مع
مراعاة ان تكوني أمام المرآة حتي تتفننين ربطهما ومن الممكن الابتكار في
عمل الاطراف علي هيئة كحكة أو ترك الطرفين متساويين فوق كتفك علي حسب ذوقك
وشكل وجهك.

لابد
أن ترتدي بونيه قطن وتضعي الايشارب علي حرف البونيه حتي يختفي بعد ذلك
تمسكي بالطرف القصير بدبوس مشبك وتثبيته بالطرف الكبير وتلقي الطرف الطويل
حول الرأس وتثبتي بالدبابيس ويفضل عدم استخدام اكثر من ايشارب في الأول حتي
تكون اللفة بسيطة.
أما إذا كنت تريدين ادخال الوان أكثر في اللفة التقليدية فكمل فعلنا عند
استخدام البونية نبدأ بوضع الايشارب علي حرف البونيه وبعدها نمسك الطرف
القصير بالطرف الطويل عند الرقبة وبعد ذلك نمسك الايشارب الثاني بعده
بمسافة من الأول وتمسك اطرافه وتلف طرف الأولي وطرف الثانية في اتجاه واحد
بشرط طرف يظهر لونه قبل الثاني أو يوضع الطرفان فوق بعضهما ويلفان مرة
واحدة مع استخدام دبابيس للتثبيت.
يبقي لنا نتعرف علي موضة الطرح هذا العام وهي الالوان الزاهية مثل الموف
والروز والتركواز والبني جميل جدا لأنه يتناسب مع كل ألوان البشرة مع العلم
بأنه لا يوجد ما يسمي بألوان تليق بالسمراء وأخري للبيضاء واللون الواحد
الصريح اصبح هناك درجات مختلفة منه.. المهم هو اختيار الدرجة الملائمة للون
بشرتك وملابسك.
أحدث أشكال ونقشات الطرح؟

الألوان المتداخلة مازالت موضة والطرح الكاروه والطرح المنقطة والطرح اللي فيها كور موجودة بكثرة والطرح المقلمة..
ومعظم الخامات دلوقتي فيها لمعة وممكن نلاقي اللمعة الفضي والذهبي مع بعض،
يعني مثلا تلاقي القماش كاروه أحمر وأسود وفيه لمعة فضي أو ذهبي ولون رصاصي
وفيه لمعة فضي، والأشكال المنتشرة الآن الطرح الضخمة زي (الشال).

واللمعة اللي موجودة في الطرح ممكن نلبسها في النهار؟

معظم البنات كانوا متخوفين إنهم يلبسوا الطرح اللي بتلمع في النهار لكن دلوقتي أصبحت موضة جدا.


هل ربطة الطرحة الإسبانش تراجعت شوية؟
أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا
الطرح الصوف المنقوشة ونازلة على الظهر كله وجود أكثر من طرحة مع بعض.




وإيه هي أحدث أشكال وأنواع البندانة؟

أولا أنا عايزة أنصح كل البنات بإنهم يلبسوا (البندانة القطن) في الأساس
على شعرهم مباشرة لأنها مفيدة وصحية جدا وتمنع تساقط الشعر وتحافظ عليه
وكمان بتساعد على وضع الدبابيس كويس ولا تساعد على تزحلق الطرحة...

وعلى فكرة البندانة دلوقتي بقت بديل عن الطرحة، يعني تقدر البنت تضع أكثر
من لون للبندانة على إنهم طرح ملونة وتضع في النهاية طرحة واحدة في
الواجهة، وفيه أنواع كثيرة من البندانة زي البندانة "الليكرا "- "شيفون"-
"التول". وعرضها 10سم وطولها 30 سم وكمان البندانة المستطيلة والبندانة
الكاملة على الرأس وممكن البنت تلبسها بطريقة مائلة والعكس


هل ممكن البنت تستخدم الطرحة لإخفاء عيوب الوجه والمناطق الضخمة في وجها؟
آه طبعا.. أكيد..

طيب ازاي؟
شوفي لو مثلا البنت وجهها طويل يبقى تحاول تعمل الطرحة لتحت في اتجاه الخلف
أو على جنب، وبعدين تقصر الجبهة وتضيف أي حاجة على الجانب علشان الوجه
يبان إنه عريض.
وخلّي بالك إن الوجه الطويل لا يتناسب معاه الربطة العالية لأنها هتطوّل الوجه أكثر.

طيب لو بنت وجهها مدوّر؟
يبقى بلاش تلف الطرح على جنب إطلاقا لأنها تزيد من مساحة (الخدود) وتعمل
الطرحة للخلف، لتحت أو لفوق، وممكن تعمل الطرحة شينوه لفوق، وممكن تعمل
الربطة ديل حصان لفوق عشان الوش يكون رفيع.

والوجه المربع أو المستطيل؟
الوجه المربع والمستطيل بيكون عنده أربع بذور، اثنتين في الجبهة واثنتين في
الفكين وعلشان كده لازم تنزل بالطرحة لتحت شوية ونعمل (كروس) طرحة عكس
الثانية والطرحة بتساعد إن الوش يكون رفيع وتحاول تداري الجبهة وتحاول تنزل
بالطرحة على الجبهة وتقفل الجبهة.

والوجه البيضاوي؟
معظم الربطات تمشي معاه وممكن تعمل ربطة على جنب أو تقفل من قدام أو تعمل كروس.

طيب صاحبة الأنف الكبير تعمل إيه؟؟
صاحبة الأنف الكبير بيكون عندها مشكلة في الحجاب لأن أنفها ظاهر واضح في
الوجه وفي هذه الحالة ماينفعش معاها إننا نعمل إسبانش للخلف أو طرحة هابطة
وماسكة على وجهها فتحاول إنها تلبس طرحة منفوشة شوية أو تضع إكسسوار أو
تعمل أكتر من طبقة أو تدخل أكثر من بندانة عشان تخطف العين ولا تجعل
التركيز على أنفها.


نتكلم بالتفصيل شوية عن شكل الربطة المناسبة للبنت في الجامعة؟
ربطة الطرحة لازم تكون بسيطة وخفيفة فممكن تستخدم طرحة أو طرحتين على
الأكثر.. يا ريت تحاول تبعد عن الألوان الكثيرة وتكون رقيقة على قد ما تقدر
وتبعد تماما عن التول والأورجانزا. وتاخد بالها كويس جدا من لبسها فلو
مثلا لابسة حاجة سادة يبقى ممكن الطرحة يكون فيها ألوان، لكن لو لابسة حاجة
ملونة أو فيها نقوش يبقى لازم الطرحة تبقى سادة.

وممكن البنت تنوع في شكل ربطة الطرحة بتاعتها وهي رايحة الجامعة فممكن إنها
تعمل ربطة إسبانش، بس تاخد بالها إنها تلفها زي الكحكة وتجيبها على قدام،
ولو مش عايزة إسبانش يبقى تربطها عادي بطرحة أو طرحتين أو طرحة وبندانة.





عايزين طريقة لفة طرحة تكون روشة؟
1 - نجيب إيشارب واحد نربطه من الخلف طرف طويل وطرف قصير.
2 - الإيشارب الثاني نمسكه بطريقة مائلة ونربطه من الخلف.
3 - كده أصبح عندي أربعة أطراف في الخلف، 2 قصيرين و2 طوال.
4 - بعد كده أجيب واحد من الطرفين الطوال وأطلع بيه عدل وأربطه تاني للخلف.
5 - كده المنظر أو الشكل عدل بميل واللي بعده عدل.
6 - هيكون باقي عندي طرف طويل وطرفين قصيرين.. في هذه الحالة ممكن أجيب الطرف الطويل ألفه على الكحكة وأجيب الثلاثة أطراف على قدام.
7 - لو الأطراف طويلة أعملهم ضفيرة لقدام أو على الخلف.
8 - وممكن فكرة ثانية أجيب الطرف الطويل ألفه على الطرفين القصيرين وأمسكهم في النصف بإكسسوار على كحكة من وراء.
9 - إذن المنظر في النهاية هيكون من قدام عدل ومائل ومن الظهر الأطراف عاملة زي (ذيل الحصان) ومربوطة بإكسسوار.





ربطة الطرحة السواريه تكون عاملة ازاي؟
الأفضل تكون أكثر من طرحة وفي البداية:
1 - أبدأ الأساس بالطرحة الشيفون.
2 - بعدين أضع الطرحة التول عشان بيعطي للبنت شكل فخامة.
3 - وبعدها أضع إكسسوار زي (شريط ستان – سلاسل خرج النجف) أو قطعة من الفستان.
4 - وبعدها أقفل الطرحتين بأكثر من طريقة ممكن الشيفون والتول مع بعض لقدام أو المهم مع بعض كلهم شنيوه عالي لفوق.

عايزين نعرف طريقة ستايل لربطة التول والشيفون؟
1 - أجيب الطرحة الشيفون أربطها على شكل كحكة.
2 - أجيب الطرحة التول وألبسها من الخلف وأعملها كروس على قدام.
3 - أنزل بيهم تاني للخلف وكده هيعطيني شكل البندانة.
4 - بعد كده ألمهم كلهم مع بعض على تحت الشيفون مع التول.



عايزين نعرف طريقة ثانية لربط ثلاث طرح وتكون روشة؟
1 - الطرحة الشيفون أول طبقة.
2 - الطرحة الثانية أجيبها من نصف رأسي بالطول.
3 - الطرحة الثالثة التول أطلع بها كروس لفوق.
4 - أجيب الطرحة الشيفون اللي عملتها من نصف رأسي للوراء.
5 - أرجع تاني وأقفل (كروس) وأنزل كأني أدخلت الشيفون وقفلتها من المنتصف.
الشكل هيظهر عندي كالتالي:
6 - اللون الأول قفلت بيه شعري.
7 - بعدين طلعت بالتول كروس.
8 - وبعدين قفلت من النصف بلون ثاني شيفون.
9 - وكده هيكون شكل الألوان متداخلة. وقفلت المنطقة الأمامية.

بعد كده أعمل إيه؟!
10 - هتكون عندي الأطراف للوراء.

أعمل فيها إيه؟
11 - لو وجهي مليان تكون الأطراف للوراء.
لو وجهي رفيع أجيب الأطراف للأمام.
لو جسمي قصير أرفع الأطراف لفوق.
لو جسمي طويل أنزل بالأطراف لتحت.




فيه بنات كتير بتحب تلبس طرحة واحدة. تربطها ازاي؟
دي ليها أكتر من طريقة:

الطريقة الأولى:
تربطها عادي جدا من الخلف وبعدين تجيب الطرفين على قدام وتربطهم كأنهم زي
(الإسكارف أو الكوفية) وتمسكهم بإكسسوار من النصف وممكن تلبس بندانة.


الطريقة التانية:
تربط الطرحة من الخلف وتجيب الأطراف لقدام على شكل حلزوني وتربط أطرافهم بإكسسوار أو شريطة.

طيب والبنات اللي بتحب تلبس أكتر من طرحتين.. الربطة تكون ازاي؟
تعمل طرحة واحدة عدلة وتطلع بواحدة كروس والثانية عدلة أو تلبس بندانة
والطرحتين كروس، يعني تضعها بطريقة مائلة وتربطها من الخلف.. والطرحة
الثانية تكون عكس الكروس الأول وتربطها بطريقة مائلة من الخلف وممكن تعمل
كمان من الأطراف كروس عكس الكروسات الأولى.

البنت المصرية بتحب الربطة الخليجي.. تعملها ازاي؟
1 - تجيب بندانة وتلبسها كويس على رأسها.
2 - تجيب الطرحة وتلفها وتكون من الناحية اليمين قصيرة ومن الناحية الشمال طويلة.
3 - وتربطها بدبوس وتكون (مرحرحة).
4 - بعد كده تجيب الطرف الشمال وتلف الطرحة على الرأس بشكل طرفين.
5 - وبعد كده الناحية القصيرة تتركها على كتفها وتجيبها من الخلف إلى الأمام.


واللفات المغربي والهندي بتكون شكلها ازاي؟
اللفات دي بتكون غير ثابتة ولفها بيكون بطريقة عشوائية وتكون مطابقة لشكل
العبايات لأن المغاربة بيحبوا يلبسوا عبايات وتكون خامة الطرحة نفس خامة
العباية ويضعوا إكسسوار على الطرح وبيعملوا أكثر من لفة وينفشوها





الربطة المنفوشة أعملها ازاي؟
1 - أجيب طرحة وأربطها من الخلف إسبانش.
2 - الطرحة الثانية نجيبها لقدام.
3 - الطرحة الثالثة تكون منفوشة ونربط طرف منها على فوق والطرف الثاني على الكتف.
4 - الناحية العريضة نرفعها لقدام كأنه شال.

ما الألوان المتناسقة مع بعضها وتكون موضة؟
الفوشية مع الأحمر، والأورانج والبني، والموف مع الأصفر والتركواز.. وأنا
في رأيي إن معظم الألوان تتناسب مع بعضها لكن المهم اختيار الدرجة.. يعني
درجة معينة مع الأصفر ودرجة معينة مع التركواز وتداخل الألوان يحتاج تركيز
ويعتمد على الإحساس الشخصي.

لو مش عاوزة ألبس الطرحة نفس لون البلوزة أعمل إيه؟
لو البلوزة أورانج مثلا ممكن ألبس طرحة زيتي أو بصلي أو أكثر من لون بس يكونوا مناسبين للون البلوزة.





ازاي أنسق الإكسسوار مع الطرحة؟
يعني مثلا لو البلوزة صفراء ممكن ألبس طرحة تركواز والإكسسوار يكون تركواز
أو تركواز في أصفر. ولو البلوزة زيتي ممكن الطرحة تكون صفراء والإكسسوار
أصفر في زيتي، ولو البلوزة بيضاء فكل الألوان تتناسب معها، والإكسسوارات
تكون ملونة ومتداخل فيها ألوان كثيرة.