هالات سمراء تجاعيد عندنا الحل منقول لفاده

ازيكم يا قمرات يا رب تكونوا بخير و ينعاد عليكم رمضان بالصحه و السلامه جميعا

النهارده هنتكلم عن كريمات المنطقه المحيطه بالعينين

بس الاول لازم نعرف حبة حاجات مهمه

يلا بينا

الفرق بين البشره اللي حول العينين و بين بشرة الوجه

تعتبر هذه المنطقه عشر مرات أرق من جلد البشره و اسباب كتير تعتبر خطوه
اولى الى الطريق للمشاكل و هذه العوامل زي التعرض للشمس , التقدم في العمر ,
كثرة استخدام المكياج , و كثرة الاطعمه المالحه ( ايوا ده من الاسباب
الرئيسيه لتكوين الانتفاخات تحت العين او ما تسمى ب جيوب العين ) و الاجهاد
و الحساسيه و البكاء الكثير
المنطقه دي عامله زي شريط الاستك مع كثرة حركته و مع مرور الوقت يفقد
مرونته و في منطقه حوالين العين هنا بيفقد الجلد مادة الكولاجين الاساسيه
للمرونه و التماسك و تبقى رقيقه اكتر ما هيه رقيقه و تبدا المشكل تظهر و
للمعلومات هذه المنطقه تحتوي على عدد قليل جدا جدا من الغدد الدهنية و
الانسجه و مع فقدان مرونته تفقد الرطوبه الطبيعيه الموجوده في هذهه المنطقه

و من هنا نستخلص ان للحفاظ على هذه المنطقه يجب الحفاظ على نسبة الرطوبه دي بابقائها رطبه و ده هيبقى عن طريق كريم تحت العين.

كريم المنطقه المحيطه بالعينين

اولا لازم نعرف هنختاره ازاي و نحدد اي واحد يناسبنا ازاي يلا بينا

الخطوه الاولى :

حددي مشكلتك و الهدف اللي عايزه تصححيه سواء الخطوط الرفيعه و التجاعيد أو القضاء على الهالات السوداء أو ازاله الانتفاخات و جيوب العين و هتروحي عالمحل و تاخدي فكره عن الكريمات المتوفره و اسعارها و ايه الانواع الموجوده

الخطوه الثانيه :

اقراي المحتويات المكتوبه على العلبه في خانة المواد عشان تتاكدي
كريم الشيخوخه او التجاعيد هيكون بيحتوي على : caffeine, retinol, alpha-hydroxy or vitamin C
كريم الهالات السوداء هيكون بيحتوي على : vitamin K , hydroquinone, Haloxyl

و خلي بالك من حاجه لو انتي امراه عامله و على طول بتطلعي بره البيت في
فترة الصباح و قليل ما بتستعملي النظاره الشمسيه ف دوري على كلمة spf في
العلبه
و خلي بالك برضه لو لقيتي من المحتويات المكتوبه AHA او كمان ال retinol
بلاش تطلعي بيه في الشمس و غير انك مش لابسه نظاره شمسيه عشان ممكن يسبب
زياده للحساسيه من الشمس

الخطوه الثالثه :

حددي لو عايزه كريم ليلي او نهاري او طوال اليوم هما ثلاث انواع و هما
عاملين كده عشان يفرقوا كل مشكله و ليها وقتها من اليوم مثلا التفتيح يفضل
باللي و التجاعيد يفضل صباحا

الخطوه الرابعه :

ضيقي نطاق البحث و حددي كام حاجه بس محدده في بالك عشان ما تحتاريش و نصيحه
حاولي تختاري حاجه سعرها مناسب و ما تكونش غاليه عشان لو مجابش معاكي
نتيجه بعد اسابيع ما تبقيش ضيعتي فلوسك عالفاضي لان مش كل حاجه غاليه تبقى
فعاله و هتجيب نتيجه مرضيه

الخطوه الخامسه و الأخيره :

حاولي كده بعد ما تقرري هتجيبي ايه تسالي كام حد او تشوفي اراء الناس لكن
خليكي فاكره ان مش كل حاجه جابت نتيجه مع حد هتجيب معاكي او العكس حتى .

نيجي بقى للطريقه الصحيحه لوضع الكريم

طبعا انتم واخدين بالكم ان كريمات العين عباره عن انبوبه ضغيره قوي و بتبقى اغلى من مرطبات البشره العاديه
و من الخطأ بنروح جايبيت كميه كبيره و بنحط و بندهن بس ده خطأ امال هما عاملنا صغيره ليه ؟؟؟؟

بصوا هنعمل ايه

1- هتاخدوا كميه صغيره قد دي

2- هتحطوها على هيئة نقط على المناطق دي

3- هنبدأ بطريقة التربيت مهم قوي التربيت مش الدعك او الدهن افتكروا ان من
اسباب التجاعيد هو الفرك و الدعك في العين و هنمشي مع الاتجاهات دي تابعوا
اتجاهات الاسهم

هاجي بقى لتجربتي الشخصيه
( و انا بصراحه مشكلتي هيه الهالات السوداء)

داومت عليه الصبح و بليل بس ما فادنيش بصراحه لكن لما تحطيه بيفتح اللون لانه ليه لون

مجابش نتيجه و بامانه زهقت منه و مكملتش

جميل جدا جدا بس غالي حبتين

اروعهم و خلص و جبت واحد تاني بجد عجبني و للامانه مش هكدب و اقولكم الهالات راحت و بقت قشطه لا بس اللون افتح سنه الحمدلله

انا خلصت موضوعي و بشهد ربي انه اجتهاد شخصي يا ريت دعوه حلوه بقى و اتمنى من القمرات اللي جربت حاجه تكتبها عشان نستفيد كلنا

» تاجك عندنا منقول
» حرف طاء تفسير حلمك عندنا
» شنط2012 منقول
» اساور كارتير منقول منقول
» اين نحن منقول