حنه لتنعيم الشعر

---

حنة لتنعيم الشعر و الله رح تتركي السشوار و على فكرة هذي الحناة مفعولها مدى الحياة ادخل و الله ما رح تندمي

السلام عليكم ورحمة الله وبركاته
تحلمين بشعر ناعم مثل الحرير طبيعي ولا مبين عليه آثار الفرد ؟
تحلمين بشعر ناعم والكل يقول ماشاء الله تبارك الرحمن شهالشعر؟؟
إبشري بعزج .. واتركي السشوار بكافة انواعه
واتركي التمليس بالمواد الضارة والغالية بكافة انواعها
واتركي زحمة مواعيد الصالونات
ولا تستحين من شعرج بعد اليوم
عطي شعرج نعومته وجماله ولمعانه

المكوينات :

1- حنة
2- عشبة العفص (كمية قليلة)

3- عشبة الكتم ( أوصى بها الرسول عليه الصلاة والسلام لتغطية الشيب)

4- قرنفل

5- حجر اسود

6- ملوخية


طريقة الإستعمال :
1- تغسلين شعرج بالشامبو وتستشورينه عدل عشان يكون نظيف وجاف والحنة تثبت عليه ..
2- تعجنين الحنة باستخدام كوب ونص ماي عادي للحصول على اللون الأسود الداكن
، أو الكركديه المغلي للحصول على اللون الأسود المايل للأحمر ..أو تضيفين
الكركم تذوبينه في الماي أو مغلي البابونج للون البني الغامق الجذاب ..
3- تعجنينها وتسوين قوامها مثل الروب تقريباً وتغطينها بالنايلون
وتخلينها تتخمر لمدة 2 إلى 3 ساعات .ولو شفتيها ناشفة زيديها شوية ماي ..
4- تحطين الحنة على شعرج من الجذور للأطراف وتتأكدين من تغطيتها لكل شعرج
وبعدين تلفينها بالنايلون عشان تحتفظين برطوبة الخلطة لأطول مدة ممكنة . وتنتظرين 20 ساعة ..
5- تغسلين شعرج بالماء والبلسم وممكن تستعملين البلسم ليساعد على التخلص من
الخلطة ... مع ملاحظة عدم تمشيط الشعر تحت الماي ...وتجففينه بالفوطة شوي
شوي ..
6- تحطين الكمية المناسبة من الزيت على شعرج لمدة 4 ساعات ..
ولو تلفينه بالنايلون يكون أفضل ..
7- تغسلين شعرج بالشامبو والبلسم ..
والنتيجة .. راح تذهلج بإذن الله


نجي لنتائج الحنه من بعد الإستخدام الأول - 24 ساعة :
1- شعر ناعم ولامع وإنسيابي لمدة سنة كاملة وأكثر وفيه شعر دائم على طول .
2- تحمي الشعر من التساقط وضعف البويصلة مثل اللي يتعرض لها الشعر من بعد التمليس بالمواد الكيماوية والمواد الأخرى ..الخ
3- تعطي الشعر لون أسود ولامع وتغطي الشيب بفضل عشبة (الكتم) .. ولا تدخل بها أي صبغات كيماوية .
4- واذا ماتبين لون اسود تقدرين اتضيفين الكركديه المغلي للحصول على اللون
الأسود المايل للأحمر ..أو تضيفين الكركم تذوبينه في الماء أو مغلي
البابونج للون البني الغامق الجذاب ..

5- بإستخدامج لحنة التنعيم الأصلية بالأعشاب الطبيعية .. راح تتركين
السشوار وتمليس ماي الذهب واليوكا وكل ماهو مضر للشعر وغالي الثمن .
6- مناسب لجميع الأعمار وللحامل والمرضع والرجال .
7- وفوائد كثيرة أخرى ..
8- اهم شي انها ما لها أي آثار جانبية .. سواء تساقط او ضعف الشعر أو تلف
الشعر .. والحمدلله .. لكن اللي شعرها فيه مشاكل مثل تساقط أو خفيف.. لا
تستخدم الحنة أو اي شي ثاني .. لازم معالجة الشعر بالأول.. لأن الشعر اللي
فيه مشاكل ماعنده مقاومة من أي شي..