دخلت عبالى لغات وهى دخلت عيالها ه عرى منفول

لرحيم
من فتره طويله وانا عايزه اكتب موضوع اشرح فيه خبرتي في تعليم عيالي
من كام سنه كنت انا وصحبتي وهى عضوة في المنتدى واسمها اوركيدا
بنتناقش هندخل العيال عربي ولا لغات
علما بان عيالنا كانوا في الروضه تقريبا مع بعض وبياخدوا منهج اللغات وكانوا بسم الله ما شاء الله من المتفوقين سواء عيالي او عيالها
ولكن الفكره
هى كانت متردده تكمل لغات
هى اخده بكالوريوس بس كانت خايفه لحسن الموضوع يكبر عليها
وكمان كان عندها مبدا
وهو ان الدراسه بالانجليزي هتخليها مشغوله علطول وعيالها هيهملوا القران
ودي وجه نظر كنت بحترمها فيها
ولكن وجهة نظري ان العيال ماشيه ومعندهومش مشاكل ليه منكملش ولو حسيت اني مش قادره احول للعيال عربي
ومرت السنين
صحبتي كملت عربي
وبتحفظ القران
وانا انشغلت في الدراسه مع العيال وكل يوم دروس ومذاكره
طبعا هتقولولي عملتي ايه مع عيالك
هقولكم انا مشيت معاهم لحد رابعه ابتدائي وبعدين اشتغلنا الدروس
بس المشكله ان العيال بيجيبوا نتايج حلوة بس حساهم بيجبوها حفظ
المعلومات العامه الي المفروض يعرفوها من التعليم
بحس انهم مش عارفنها
يعني لما تحصل حاجه بالعربي ممكن مش بيفهموها بسرعه
هما خدوا الرعد والبرق بس مش عارفين يعبروا بالعربي
مش قادرين يفهموا الدراسات
مستواهم في العربي مش كويس اوي
والمفاجاءه ابني وصل للصف الثالث الاعدادي
طبعا معتمده على الدروس
مش عارفه اتابع الولد
علما انه بيجيب درجات عاليه بس انا برضوا حاسه انه لو وصل ثانويه مش هيجيب مجموع لانه مش بيذاكر
بيعتمد على الدروس
معلش انا بقول العيوب الاول
والقران
اه القران
اهملت
فيه خالص ابني لما كان في تانيه ابتدائي كان حافظ جزئين دلوقتي اخر ماده
افكر فيها الدين علشان مفيش وقت وده يادوب بيكتب واجبات مش بيذاكر
ده غير فلوس المدرسه والدروس
وانا لسه عندي اكتر من واحد
وعشت في دوامة الغات
اقولكم على المميزات
طبعا العيال بتتكلم انجليزي وبيدخلوا النت الالعاب الصعبه بالنسبه لهم سهله لانهم عارفين لغاتها
مع بعض اصحابي مستواى العيال الاجتماعي مرتفع
هل تعتقدوا ان المميزات تفوق العيوب
انا بعلمة علشان ينفع نفسه ويجيب مجموع يدخل كليه محترمه ويلاقي وظيفه بسهوله لانه عنده لغه
بس لو مش بيوظف المعلومات الي بياخدها بالانجليزي في حياته
حاسه بقلق
اما صحبتي انا هدعوها تحكلكم عن تجربتها عن مميزات العربب وعيوبها
وياريت الي عنده تجربه تحكلنا لان في ناس كتير متردده تدخل عيالها ايه
عربي ولا لغات
وعايزة الفت نظر الاخوات
اني مش عارفه اغير لعيالي عربي لانهم مش بيعرفوا
يذاكروا بالعربي
ولو سمحتوا ترفعوا الموضوع وتقيموه علشان الناس الي محتاره تعرف هتعمل ايه
ودلوقتي هروح ابعت لاوركيدا