تطبيقى للعيش الفينو للشيف حسن بالصور

[b][size=16][right][b][size=16][right][b][size=16][right][b][size=16]
[right][b][size=16][right][b][size=16][right][b][size=16][right][b][size=16]ازيكم يا بنات طبعا كلنا عارفين الشيف حسن و وصفاته الهايلة انا شفت له حلقة الفينو فعجبتنى
وقررت اغامر واعمله ويا صابت يا خابت بس الحمدلله ربنا سترها معايا و طلع
حلو وعجب الولاد جداااااااا خصوصا الكيزر لانهم مغرمين همبرجر

[b]المقادير:

1 كيلو دقيق مخبوزات درجة اولى
20 جرام خميرة بودر (معلقة كبيرة)
5 جرام محسن خبز (معلقة صغيرة)
50 جرام سكر(3 معالق كبيرة)
10 جرام ملح (معلقة كبيرة)
50 جرام لبن بودرة(ربع كوب او 3 معالق كبيرة)
50 جرام زبدة
550 مل ماء مثلج
100جرام سمسم وحبة البركة
سائل التلميع (1/2 كوباية لبن وفانيليا وبيضة و1/2معلقة سكر)

انا بحب استخدم الخميرة البيرة انما الشيف استخدم خميرة جافة

الطريقه:
اجيب العجانة واركب الحلزوني واضع الدقيق والخميرة ومحسن الخبز والسكروالملح واللبن البودرة واخفقهم مع بعضهم

واجيب الزبدة وهيه مقطعة قطعة صغيرة مكعبات واضيفها والعجانة شغالة

واضيف الماءالمثلج علشان اتحكم فى العجينة لو الدقيق فيه رطوبة والخميرة متشتغلش غير بعد التشكيل
والعجانة شغالة بالتدريج ونشغل علي السرعة الاولي 3 دقائق علشان الموتور مايتحرقش لان العجينة تقيلة

ولما العجينة تلم وتبيض واعلي السرعة لمدة 4 دقائق ولما اتاكد انها مش بتلزق في العجانة اوقف العجانة
واخرج العجينة واحط تحتها زيت واغطيها ببلاستيك واسيبها تخمر فى مكان مش سخن لمدة تلت ساعة

وبعدين العجينة دى هنعمل منها 4 انواع مخبوزات عيش فيينا
وبيتى بان وكيزر وسوفت توست
عيش الفينو (فيينا)

هناخد قطعة 100جرام ونرش تحتها دقيق بسيط ونفردها شوية وبعدين نتنى طرفها واضرب عليها بكف الايد

والناحية التانية نفس الحكاية برضه

والجناب يمين

وشمال

بكده تبقى اتقفلت من ال4 جوانب صح
وبعدين الفها رول على الرخامة واحطها فى صينية مدهونة مادة دهنية
[size=16]البيتى بان
هناخد 40جرام ونفس طريقة الفينو بالظبط
الكيزر
هناخد 100جرام واقفلها من تحت واكورها واحطها على الرخامة والفها شوية بحركة دائرية وانا قافلة الايد عليها وصوابعى ضاغطة لجوه
السوفت توست
لو هاستخدم قالب تيفال مش هيتدهن انما لو الومنيوم يبقى هندهنه زيت
وهناخد قطعة 30 جرام وتتفرد شوية على شكل مستطيل واقفلها من الجناب زى
الفينو واخلى الحتة المقفولة من تحت فى القالب واضغط عليها وامشيها جوه
الفورمة

كل المخبوزات دى هاسيبها في مكان دافئ لمدة ساعة لو الفرن كان شغال قبل كده وسخن

او اغلى شوية مية واحطهم فى صينية او صاج فى دولاب التخمير او الفرن واحط
الصاخ فوقيها واقفل عليها لغاية مايتضاعف حجمها شايفين شكله عامل ازاى
وبعدين ادهنها بسائل التلميع بفرشاة بخفة وسرعة
وارش عليه السمسم وحبة البركة

وبعدين اجيب سكينة حامية جداعشان افتح المسام بتاعته واعمل خطوط بالورب بالراحة وتكون ايدي خفيفة اوى علشان خمرة ميهبطش
ادخله الفرن على 220 لو بمروحة هياخد 12 دقيقة بس
ولو مفيهوش مروحة برضه هيدخل على 220 درجة وهياخدمن 20 الي 25 دقيقة
وداشكله لما طلع

البيتى بان صوره منزلتش المنتدى بيدينى رسالة بيقولى الصور كتير اوووى فاضطريت الغى بعض الصور
ملحوظة
الكلام اللى بالاحمر مش اساسى فى الوصفة دا زيادة علشان يبقى مغذى وغنى للولاد
وكمان السكر علشان يبقى سوفت ولو عاوزاه كرسبى شيلى السكر
ولو عاوزاه نص سوفت ونص كرسبى ضيفى 25 جرام بس
وممكن تعملى كمية وتشيلى الباقى فى الفريزر

[/size][/b]

[/size][/b][/right]
[/size][/b][/right]
[/size][/b][/right]
[/size][/b][/right]
[/size][/b][/right]
[/size][/b][/right]
[/size][/b][/right]
[/size][/b]

» فيديو طريقة عمل الخبز الفينو ( العيش الفينو ) للشيف حسن
» اكلاتو طبخات بالصور دجاج مقلي و افضل طبخات بالصور
» اكلاتو طبخات بالصور دجاج مقلي و افضل طبخات بالصور
» طريقهعمل الغريبه للشيف حسن
» طريقه عمل الغريبه للشيف اسامه السيد