حكايه ليله القدر

[center]بسم الله الرحمن الرحيم

((حدوتة ليلة القدر ))

مع أحمد وعائشة
وتيتة سوسن

المشهد(احمد يمسك فانوسه ويدعك فيه)

عائشة:-أنت بتعمل ايه يا احمد ؟؟

احمد :- بدعك الفانوس يا اعائشة علشان يطلع لى العفريت يحقق احلامى زى عفريت مصباح علاء الدين

أحمد :- عااااااا العفريت مش راضى يطلع

عائشة:- عفريت ايه بس يا احمد يا حبيبى !!

دا كلام حواديت خيالية مش بتحصل فى الواقع كلها خرافات

عائشة:- تعالى نشوف تيتة سوسن هاتقلنا ايه

على الفانوس بتاعك ياسى أحمد

المشهد(دخل احمد وعاشة غرفة تيتة سوسن بعد الاستئذان وهى جالسة على المصلى)

أحمدوعائشة:- تقبل الله منك يا تيتة سوسن

تيتة سوسن :- تقبل الله منا ومنك يا حبايب قلب تيتة

عائشة:- هههه شفتى أحمد زعلان علشان العفريت مش راضى يطلع له يحقق أحلامه

تيتة سوسن :-تعالى يا أحمد يا حبيبى اقلك على حاجة تحقق أحلامك

وسيبك من العفريت دا لانه خرافة ومش حقيقى

عارف ايه اللى ممكن يحقق احلامك يا احمد التزامك
وطاعتك وعبادتك لربنا ربنى يرضى عنك ويديك كل اللى انت بتتمناها وطبعا
بالدعاء و التوسل الى الله عز وجل

تيتة سوسن:- النهاردة كام فى شهر رمضان؟؟

عائشة :- 19 رمضان يا تيتة بس بتسالى ليه؟!!

تيتة سوسن:- يعنى بكرة هانبدأ العشر الاوخر من شهر رمضان

اللى فيهم ......... ايه ؟؟

أحمد :-ليلة القدر

تيتة سوسن :- أحسنت يا احمد جزاك الله خيرا

المشهد(تيتة سوسن تجلس ووعن يمينهااحمدوعن يسارهاعائشة)

تيتة سوسن:- فى سورة فى القران بتتكلم عن ليلة القدر مين فيكم يعرفها ؟؟

أحمد :- بسرعة أنا سورة القدر

تيتة سوسن:- بارك الله فيك يا احمد

عائشة:- و انا يا تيتة سوسن حافظة حديث عن ليلة القدر اخدناه فى المسجد

قال رسول الله صلى الله عليه وسلم "أن من قام ليلة القدر ايمانا واحتسابا غفرله ما تقدم من ذنبه" متفقق عليه

تيتة سوسن:- جزاك الله خيرا يا عائشة يا سكرة

وقال صلى الله عليه وسلم

تحروا ليلة القدر فى الوتر من العشر الاوخر من رمضان"اخرجه البخارى"

أحمد:- ليه يا تيتة اسمها ليلة القدر؟؟

تيتة سوسن :- سؤال جميل يا احمد

لان قدرها وفضلها عظيم عند ربنا

وكمان لان فيها بيقدر ما يكون فى السنة كلها من أرزاق ومقادير العباد

احمد :- طيب خلاص يوم 27 فر رمضا ادعى ربنا كتير بك اللى انا عايزه

تيتة سوسن:- احمد حبيبى ليلة القدر لم يخبرنا الرسول بموعدها انما اخبرنا بانها فى العشر الاواخر وخصوصا الليالى الوترية

عائشة :- يعنى يا تيتة 21-23-25-27-29

تيتة سوسن:- يا عائشة علشان كدا الرسول صلى الله عليه وسلم كان يعتكف ويكثر من التعبد فى العشر الاواخر من رمضان

تيتة سوسن :-عارفين فضل ليلة القدر يا حبايبى يا حلوين ؟؟

المشهد( احمد وعائشة ينظران لبعضهما ويفكر ....)

عائشة :-ان الملايكة وعلى راسهم سيدنا جبريل بينزلوا الى الارض فى هذه الليلة ومعهم اقدار العباد المكتوبه فى العام الجديد

صح يا تيتة؟

تيتة سوسن:- مش بس كدا يا يا عائشة فيى سببين تانين

احمد :- ايه هما يا تيتة ؟

تيتة سوسن:- الصيام والقيام والعمل الصالح فيها خيير من الف شهر

عائشة :-يااااااااااه الف شهر دا فضل عظيم جدا

احمد:- والفضل الثالث يا تيتة؟

تيتة سوسن:- السلام من اول ماتبدا بظهور المغرب وحتى طلوع الفجر الجديد

"سلام هى حتى مطلع الفجر"

علشان كدا يا حبايبى وصانا الرسول صلى الله عليه وسلم

ان فى العشر الاواخر ندعو ونقول

"اللهم انك عفو تحب العفو فاعفو عنا"

تيتة سوسن :-أخر حاجة هاقولها للك يا احمد وانت وعائشة ...
عارفين جدكم محمود قبل ما يتوفى زمان
كان عليه ديون كتير الشركة خسرت والديون اتراكمت وانا وهو مكناش عارفين نعمل ايه والوقت دا كان فى رمضان
استغفرنا ربنا ودخلت علينا العشر الاواخر قعدنا ندعى ربنا فيها جامد ونبكى لربنا ونرجومنه ان يسد هذه الديون
عارفين حصل ايه؟؟؟؟

احمد وعائشة:- قولى يا تيتة حصل ايه؟؟

تيتة سوسن : سبحان الله العظيم اللى مش بينسى ابدا عباده اللى بيحبوه وميطلبوش من حد غيره
سبحان الله فى ناس كان جدو مسلفها فلوس كتير الناس دى لما سمعت بالحصل
ضميرها صحى ورجعت لينا الفلوس وسددنا ديونا والحمد لله كلها

شفتو يا حبايبى اهمية الدعاء لربنا وخصوصا فى العشر الاوخر من رمضان

مش العفريت يا ا حمد....

تيتة سوسن :- هاااااااا يا احمد لسة هاتدعك الفانوس علشان يطلع لك العفريت

احمد :-
ههههه فانوس ايه يا تيتة خلاص انا عرفت انا مفيش حاجة اسمها عفريت وكل
اللى انا عايزه هاطلبه من ربنا سبحانه وتعالى بالطاعة والعبادة واهم حاجة
الدعاء

عائشة:- صح يا احمد احسنت

جزاك الله خيرا يا تيتة على هذه المعلومات اللى عرفناها منك عن ليلة القدر

تيتة سوسن :-طيب يا حبايبى ياللا نساعد ماما فى إعداد الإفطار لان المغرب قربت

ومننساش الدعاء

اللهم انك عفو تحب العفو فاعفو عنا

[/center]