كنافه بالقشطه

ن عند الشيف حسن








بسم الله الرحمن الرحيم

ده اول موضوع ليا فى المنتدى ويا رب يعجبكو
السنه دى فى رمضان كانت اول تجربه ليا مع الكنافه
وكنت واخده وصفه الكنافه بالقشطه من الشيف حسن
وقلت لازم اجربها وانا ةحظى
وقلت اقدمهالكوا مع تجربتى
بسم الله نبتدى
المقادير :
1/2 كيلو كنافه شعر
1/2كوب سكر بودره (بس انا استعملت السكر العادى)
كوب سمن
1/2 لتر لبن =تقريبا 2 كوب
1/4 كوب نشا يعنى تقريبا.1/2 .2ملعقه كبيره
1/2 كوب ماء
الطريقه:
نضع السمن على النار يسيح
ونضع اللبن على النار ايضا
نضع الماء على النشا ونقلب جيدا حتى الذوبان
ثم يوضع على اللبن مع التقليب حتى يغلظ القوام (يعنى تبقى مهلبيه)بس بدون سكر
نقطع الكنافه جيدا باليدثم نضع عليها السكر وتقلب معا
ثم نضع السمن السايح ونمزجهم معا
ندهن صينيه بالسمن ثم نضع طبقه من الكنافه ونضغطها جيدا باليدحتى تكون متماسكه
ثم نضع المهلبيه وهى ساخنه فى الوسط لا نضع على الاحرف
ثم نضع طبقه اخرى من الكنافه فوق الكريمه ببطء
نبدا بالحروف ثم الوسط فى التوزيع
ثم نضغط عليها بالراحه ثم نضع باقى السمن من فوقهاثم توضع فى الفرن درجه حراره 200
نعملها الشربات بتاعها عادى خالص ولما تطلع نصبه عليها
على فكره انا عندى فى الفرن احمرت من فوق ومن تحت ومحتجتش اقلبها خالص
بس لو حبيتى شغلى عليها الشوايه علشان تحمر من فوق
وبالهنا والشفا
بصوا بقى انا عملتها كده وصدقونى طلعت تحفه
تجنننننننننننننننننننننننن
جوزى كمان مش بيحب الحلويات وبالذات الكنافه كان هيتجنن عليها
يالا يا قمرات قولولى رايكم ويا رب اكون قدمتلكوا حاجه حلوه