كنافه ولا كلمه

لام عليكم ورحمة الله وبركاته



كيف حالكم أخواتي ان شاء الله بخير اليوم جبت لكم طريقة كنافتي النابلسية الناعمة اللي أتحدى فيها أشهر محل حلويات بالمملكة وطبعا كنافتي اللي بتربح التحدي>>>>وااااثقة هع

من كم يوم العيال مشتهيين الكنافة ويروح أبو الشباب لسعد الدين ويجيب كيلو كنافة بصراحة طعمها مو ذاك الزود ماحبيتها قلت له خلاااااص لا عاد تجيب لنا كنافة من برة مافي مثل كنافتي شوفوا الصور واحكموا

ماشاء الله تبارك الله





هذا اللي بأطراف الصحن الشير نازلة

المقادير:

ثلاث أرباع كوب سمن أصلي فارم والا المراعي>>مو أي سمن
كنافة أي نوع السنبلة،غوار،الكرامة.....كلها نوعيتها حلوة
صبغة كنافة-ملعقة صغيرة>>خاصة بالكنافة مو أي صبغة تستخدم

مقادير الحشوة:

3أكواب ماء
8 ملاعق حليب نيدو
10 ملاعق سميد
جبنة عكاويتقطع وتنقع يوم كامل مع تغيير مويتها كل فترة حتى يروح ملحها ثم تبشر وتوضع في الحشوة>>تلقونها بالسوبر ماركت بالثلاجة بقسم الأجبان.

طريقة الحشوة:
نحط الحليب والموية والسميد الناعم على نار هادية ونحركها بالخفاقة حتى تتماسك بس انتبهوا مانبغاها جامدة مررررة وهنا صورت لكم الحشوة






طريقة تحضير الكنافة:
نجيب الكنافة ونحطها بالفرامة وتطحن ناعم ونحطها بوعاء ونفركها بالسمن زييييين شوفوا الصور




نجيب الصينية الخاصة بعمل الكنافة وتحط ملعقتين سمن والصبغة وتدهن زين




نأخذ نصف كمية الكنافة المفروكة بالسمن ونرصها زييين كطبقة أولى سوري نسيت أصور هالمرحلة

ونكون
جهزنا الحشوة وهي نحط الحليب والموية والسميد الناعم على نار هادية ونحركها
بالخفاقة حتى تتماسك بس انتبهوا مانبغاها جامدة مررررة ونحطها فوق طبقة
الكنافة ونرش الجبنة فوقها وانتبهوا الحشوة ماتطلع عالاطراف مررة عشان ماتحترق ويخرب المنظر




نجيب باقي الكنافة ونحطها فوق الحشوة ونرصها بضغط خفيف بالايد وندخلها الفرن وتحمر من تحت واذا تبغي تعرفيها تحمرت زين والا لا شوفي الأطراف اذا الاطراف حمراء خلااااص معناها احمرت من تحت طفي من تحت وشغلي فوق حمريها من فووووق






يتبع لاتردوا


ترى اللي تكسر كلامي وترد مالها كنااااافة